Arabia Saudite nxit tregun – Shkurtim eksportesh në Azi, çmimet rriten lehtë

Çmimet e naftës u regjistruan në rritje gjatë sesionit të sotëm, duke marrë shtysë nga deklaratat e Arabisë Saudite se ka ndërmend të bëjë shkurtime reale domethënëse furnizimi me ar të zi drejt vendeve aziatike, pavarësisht se prodhimi rekord i naftës në shtetet e bashkuara përkthehet në tejngopje të tregut.

Në çelje të sesionit të sotëm, nafta Brent e Londrës kuotohej pranë nivelit të 48.51 dollarëve për fuçi, ndërsa ajo bruto amerikane pranë 46.28 dollarëve për fuçi.

Arabia saudite, që është eksportuesi numër një në botë i arit të zi po udhëheq përpjekjet për të balancuar tregun nëpërmjet shkurtimit të prodhimit. Por këto përpjekje, deri më tani kanë rezultuar inefikase.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.