Aramco lë prapa Apple – Bëhet shoqëria që vlen më shumë në botë!

Aramco ka lënë prapa Apple duke u bërë shoqëria që vlen më shumë në botë me një capital prej 2430 miliard dollarësh. Sipas agjencisë së lajmeve Bloomberg, Apple aktualisht ka një capital prej 2410 miliard dollarësh. Ajo që k ndihmuar kolosin saudit është rritja e cmimit të naftës, me të cilën arriti t’i marrë Apple kurorën e mbretëreshës së botës për herë të parë që nga viti 2020.

Si pasojë e konfliktit në Ukrainë, që ka shkaktuar një rritje të cmimit të lëndëve të para e sidomos të naftës – e cila në muajin mars shënoi një rekord prej 139 dollarësh fuçia – aksionet e Saudi Aramco këtë vit po shënojnë një rritje prej 28%.

Nga ana tjetër Apple dhe pse vjen nga një tremujor i shenjuar nga një rekord i ri i të ardhurave, 97.3 miliard dollar, gjithsesi po has vështirësi në Bursë. Deri në pikën që këtë vit ka shitur 20% të aksioneve, ndërsa pjesa tjetër e tyre ka shënuar rënie nag 182 dollarë në 146 dollarë.

Arsyet janë të qarta: problem në zinxhirin e furnizimit për shkak të krizës së chip-eve dhe të lëndëve të para, por dhe për mbylljen si pasojë e Kovid të Kinës. Një factor ky i fundit që ngadalëson dhe frenon prodhimin dhe dorëzimin. Administratori i deleguar i Apple, Tim Cook, gjatë publikimit të të dhënave të tremujorit të parë tha se mungesa e furnizimeve dhe mbyllja e Kinës pritet t’i kushtojnë kompanisë deri në 8 miliard dollarë në tre mujorin e ardhshëm.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.