Arben Malaj në ‘Argument’ : ”Rivendosja e vizave me Hollandën, do të sillte kosto shumë të larta”

Për të diskutuar rreth mesazhit të Parlamentit Hollandez, për heqjen e vizave për Shqipërinë, të enjtën në mbrëmje në ‘Argument’ ishte i ftuar dhe presidenti i IPPM, Arben Malaj. Sipas tij, motivi kryesor që ka sjellë në këtë vendim të Hollandës, janë zhvillimiet e brendshme politike, por edhe për shkak të faktit se Hollanda është tepër radikale përsa i përket zgjerimit të Bashkimit Europian.

‘‘Duhet të jemi të përgatitur sepse kjo përplasje për zgjedhjet parlamentare, do sjellë zhvillime të reja për vendet e Bashkimit Europian.”- shprehet presidenti i IPPM.

Sipas Malaj, bllokimi i lëvizjes së lirë pengon një vend, por kushdo që ka mundësi të ‘’blejë’’ vizën do të arrijë të udhëtojë pavarësisht vendimeve të marra. Rivendosja e vizave me Hollandën, do të sillte kosto shumë të larta. Malaj, thekson se bashkëpunimi me partnerët strategjik me vendet e Bashkimit Europian është një nga ngërçet kryesore.

‘’Konkurenca është më e madhe se politikat mbrojtëse. Duhet një armëpushim politik dhe një vëmendje më e madhe me riorganizimin e politikave të jashtme.’’- thekson ai.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.