Argjendi do “shkëlqejë” më shumë se ari – Pritet kërkesa më e lartë në 8 vite në 2021, në 1.02 miliardë onz
Kërkesa botërore për argjend do të rritet në 1.024 miliardë onz në vitin 2021, që është nivelin më i lartë në 8 vite, ndërkohë që investitorët dhe industria do të shtojë blerjet, sipas Institutit të Argjendit, që parashikon një rritje të çmimeve.
Pandemia e koronavirusit ka nxitur një tendencë tek investitorët për të shtuar zotërimin e argjendit, që ashtu si ari, shërben si aktiv i sigurt për të ruajtur paratë Ky vrull pritet të vazhdojë, sipas institutit, që parashikon që blerjet e metalit të çmuar fizik do të rriten në nivelin më të lartë në 6 vite prej 257 milionë onz në këtë vit.
Instituti nuk dha një projeksion për fondet e listuara në bursë, por zotërimet e tyre janë rritur ndjeshëm deri më tani për vitin, duke çuar çmimin në nivelin më të lartë në 8 vite prej 30 dollarë për onz.
Argjendi përdoret gjithashtu në industri si pajisjet elektronike dhe panelet diellorë dhe kërkesa do të rritet pasi pandemia të vendoset nën kontroll. Kërkesa industriale pritet të rritet me 9% nga 2020-a, në një nivel të lartë 4-vjeçarë prej 510 milionë onz. Kërkesa për stoli, do të rritet në 174 milionë onz, por poshtë niveleve të para pandemisë.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.