“Argument” – Arben Malaj: “Qeveria të përgatitet për skenarë të ndryshëm krize. Të bëhet kujdes me borxhin publik”

Në emisionin “Argument” nga Enio Civici është diskutuar mbi shpalljen e paketës së Zgjeruar ekonomike nga kryeministri Rama, ku përfshiheshin 176 mijë qytetarë dhe ndihmoheshin disa sektorë të ekonomisë si turizimi, fasonët dhe fabrikat e prodhimit.

Kategoritë kryesore të përfitimit nga kjo paketë ishin bizneset e vogla në fashën nga 0 -14 mln lekë, që nuk përfituan herën e parë, punonjësit e turizmit dhe ata që kanë humbur punën për të cilët do bëhet një pagesë direkte prej 400 dollarësh.

Arben Malaj, ish-ministër i Financave dhe ekspert ekonomie ka shprehur mendimin mbi masat e fundit të marra nga qeveria, duke u shprehur se duhetj kudjes maksimal me ruajtjen e parametrave të stabilitetit financiar.

“Unë besoj se shifrat e vëna në dispozicion krahasuar me vendet e tjera është një shifër e kënaqshme edhe pse kjo krizë mbetet gjithmonë një sfidë që do duhet të kemi parasysh nivelin ekonomik, social, pagesat e papunësisë dhe sektorë të tjerë të mbrojtjes sociale në vendin tonë. Kryeministri u shpreh gjithashtu se do të jetë një paketë e tretë në lojë pas 25 majit dhe mendoj se duhet të bëhet kujdes me përllogaritjet e duhura.

Duhet që këto paga të shkojnë sa më shpejt te përfituesi dhe nga përfituesi drejt ekonomisë. Kosto e papunësisë do të jetë problem direkt së bashku me rritjen e borxhit publik. Qeveria duhet të ketë një shkallë llogaritjesh dhe projeksionesh të ndryshme për zgjatjen e krizës.

Çdo njeri që ka humbur punën apo biznes i vetë-punësuar që është mbyllur do të prodhojnë kosto në ekonomi dhe do dalim me borxhe më të mëdha financiare. Gjithashtu 300 mijë qytetarë që do të marrin pagesë të drejtpërdrejtë është një kosto që do njohur në kohë sepse ajo duhet amortizuar.

Gjithashtu Malaj ka folur edhe për marrjen e eurobondit nga qeveria duke bërë thirrje për kujdes në blerjen e tyre dhe si shembull ka marrë Italinë:

“Unë besoj që mbështetja nga institucionet ndërkombëtare dhe se Shqipëria arriti një paketë me kushte lehtësuese 1 miliardë euro për tërmetin, duhet të bëjë kujdes qeveria me marrjen e eurobondeve në tregun e jashtëm. Ne në raport me valutat të ndihmon që të menaxhosh më mirë situatën. Italinë e gjeti borxhin në rreth 130% të borxhit të brendshëm bruto dhe është në qendër të debatit për korona bond.

Malaj ka folur edhe për rolin e opozitës në krizën që po kalon Shqipëria:

Menaxhimi i qeverisë shqiptare duhet të jetë sa më transparent dhe opozita duhet t’i bëjë sa më zyrtare piakt e saj dhe t’i dërgojë gjithashtu në parlament.”

Kriza do ndjehet në turizëm, në bujqësi, prandaj është momenti që Shqipëria të krijojë një paketë për turizmin dhe t’i largojmë kostot e vogla dhe të rrezikshme për këto sektorët dhe për këtë duhet të mblidhen të gjitha forcat politike.”

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.