“Argument” – Diplomati Nesho: “Biden do të sjellë normalitet në politika dhe ndikim pozitiv në Shqipëri”
Agim Nesho, ish-ambasador i Shqipërisë në OKB ka qenë i ftuar në “Argument” për të folur mbi zgjedhjet presidenciale që po zhvillohen në Amerikë
Sipas Neshos Amerika ndodhet në një situatë shumë të polarizuar dhe dy janë çështjet kryesore për të cilët do të votojnë Amerikën:
“Amerika është shumë e polarizuar. Lufta politike ka kaluar në të tejskajshme, pasi ka dy filozofi qeverisëse në vend. Kjo pra është një garë edhe për Amerikën, por edhe për të gjithë globin, pasi Amerika drejton politikat botërore deri më tani.
Duhet të tregohemi pragmatistë, pra a është më mirë ekonomia se më përpara, a ka përmirësime të jetës më shumë se përpara. Janë dy probleme kryesore presidenciale si pandeminë dhe çështjet e Rimëkëmbjes Ekonomike.
Këto dy çështje do votojë më shumë zgjedhësit amerikanë. Por ka edhe arsye të lidhura me popullin amerikan. Amerikanët janë të ndërgjegjshëm se mbajtja e një pozicioni të rregullt është jo vetëm në interes të shteteve në botë, por edhe në interes të tyre.”
Ndërkohë diplomati Nesho ka theksuar se një fitore e Biden do të sjellë një normalitet politik në marrëdhëniet që Amerika vendos me aleatët e saj në botë, por sidomos në Europë dhe rrjedhimisht ky normalitet do të ndikojë edhe në Shqipëri sipas tij:
“Sigurisht që politika e jashtme do influencohet. Ajo që pretendon zv.presidenti Biden është se do të kthejë në normalitet me një politikë tashmë të njohur. Në këtë kuptim mendoj se ka diferenca të mëdha. Në radhë të parë çështja e riaktivizimit të aleancave edhe me të gjitha fuqitë e tjera Botërore.
Rikthim të bashkëpunimit me partnerë ndërkombëtarë. Shqipëria dhe rajoni është në vëmendjen e Fuqive të Mëdha pas lojës që u bë, për një zgjidhje tjetër gjeopolitike në Ballkan. Prezenca e fuqisë si Rusia dhe Kina ka sjellë vëmendjen e Amerikës dhe Europës.
Trump aktualisht po përpiqet ti japë zgjidhje konflikteve në rajon, por unë nuk besoj që administrata e Trump nuk mund ta vlerësojë Kosovën si një vend sovran dhe të pavarur, sepse nuk mund të anashkalojë ato zhvillime të deritanishme politike që kanë sjellë ekzistencën e shtetit të Kosovës dhe zhvillimin e rajonit në përgjithësi.”
Ndërsa zv.presidenti Biden do ketë qasje tjetër. Do të bashkëveprojë me BE, sepse strategjia e zhvllimit të këtyre vendeve europiane në establishmentin e politikës tradicionale është pjesë e rëndësishme gjeopolitike. Në këtë kuptim ku vetë faktori shqiptar do jetë i favorizuar ndaj politikave të cilat nuk e njohin rëndësinë historike. Kjo është pikëpamja e Biden.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.