“Argument” – Paga minimale dhe efekti në ekonomi, Sulka: “Lëvizje elektorale”, Bushati: “Ndihmojmë shtresat në nevojë”
Në emisionin “Argument” mbrëmjen e sotme me gazetarin Enio Civici është diskutuar për programet ekonomike të partive politike, të cilat garojnë në zgjedhjet e 25 prillit.
Njëra prej temave të trajtuar është edhe politika e pagës minimale, të cilën qeveria socialsite nëpërmejt një tjetër vendimi e ka dërguar në 30 mijë lekë të reja.
I ftuari Kastriot Sulka, ekspert ekonomie dhe pjesë e strukturave të PD-së ka bërë me dije se kjo ishte një lëvizje elektorale, ndërsa sipas tij duhet t’I jepet fund kësaj politike që nuk mbështetet në rritjen e të ardhurave:
“Paga minimale është për efekte elektorale ndërsa po të ishte kryer para një viti do kishte efektin e vet ekonomik. Këndvështrimi tjetër është se shumica e barrës së kësaj politike I ka kaluar biznesit privat se me 30 mijë lekë nuk ka punonjës në administratë shtetërore, pra gjithë barra shkon te biznesi.
Kemi një zhbërje demografike të vvendit dhe për sektorë të caktuar. Paga mesatare në Shqipëri është 50% më e ulët edhe se në Kosovë, ku atje është 600 ndërsa ti e ke 200 dollarë më pak.
Kjo politika e vazhdueshme e pagës minimale duhet të ndalojë nëse nuk shoqërohet me një rendiment të fuqisë punëtore. Pra nëse investon tek këta njerëz dhe nuk ke pjesën dërrmuese të lidhur me bujqësinë dhe fasonin, padyshim s’ka sens të bësh rritje sepse dikush duhet ta paguajë.”
Ndërkohë i ftuari tjetër, deputeti i Partisë Socialiste dhe eksperti i ekonomisë Ervin Bushati është shprehur se paga minimale është një politikë e majtë dhe pritej një vendim i tillë. Sipas tij, kjo masë ndihmon shtresat në nevojë dhe situatën sociale në vend:
“Përkrahja e shoqërisë nëpërmjet caktimit të pagës minimale është një masë e majtë. Partitë e djathta janë teorikisht kundër. Në këtë vit pandemie është aplikaur në të gjithë botën, edhe nga administrata e Trump.
Kjo nuk është elektorale, por sepse jemi në ditë të vështira. Shumica e kompanive bëjnë një evasion të lehtshëm fiscal që dëmtojnë qytetarët.
Në këtë pikëpamje nuk mund të ketë një masë kaq të madhe. Inicimi apo hyrja në formalitet e atyre kompanive apo pjese kompansië që ai duhet ta deklarojë. Kjo tregon se ka shumë punë për të bërë.
Pjesa tjetër është se ka një kundërvënie nga bizneset, të cilat shumë biznese ekzistojnë me konceptin ekonomik si pagat e ulëta, ankohen dhe shteti vendos për qëndrimin që duhet të mbajë. Shteti nuk është vetëm aksioner në ekonomi, por edhe në shoqëri. Ne si mazhorancë kemi marrë votën e qytetarëve pikërisht për këtë. Prandaj duhet vendosur një balancë.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.