“Argument” – Paketa Anti-COVID/ Ministrja Denaj: Lekët për pagat do shkojnë direkt në llogaritë e qytetarëve

Në emisionin e mbrëmjes së sotme “Argument” nga Enio Civici e ftuar për të folur rreth emergjencës së koronavirusit ishte Ministrja e Financave, Anila Denaj për të prezantuar masat ekonomike të propozuara nga qeveria për të mbështetur shtresat në nevojë dhe bizneset e vogla.

Ministraj Denaj shpejgoi se kjo paketë ndërhyrje do të ketë ndikim tek Buxheti i Shtetit dhe për këtë arsye pritet që parametra kryesorë ekonomikë të preken.

“Sigurisht, që ka impakt. Ne i kemi bërë llogaritjet duke u mbështetur mbi një parashikim, i cili mund të rishikohet. Situata në varësi të kohëzgjates së emergjencës do ketë nevojë për ndërhyrje. Paketa e ndihmës prej 12 mld lekësh që është inicuar dhe do të ekzekutohet në ditët në vijim, si dhe ishte e nevojshme rishikimi i rritjes ekonomike që është reduktuar në 2%. Gjithashtu kemi një rritje të deficitit buxhetor në 3.2% mbi produktni bruto. Këto ndikojnë në raportin e borxhit mbi GDP-në.

Më tej paketa prej 12 miliardë lekësh që do të shkojë si stimul i menjëhershëm në ekonomi, ministrja ka shpjeguar se ka tre impakte kryesore dhe ato janë shtresat në nevojë, bizneset e vogla me fashën e xhiros vjetore nga 0 – 14 milionë lekë dhe mbështetja për Shëndetësinë dhe fondet rezervë:

“3 elementë janë të rëndësishëm. Së pari, ndihma ndaj personave të cilët nuk kanë mundësi të realizojnë të ardhurat mujore dhe kuptohet që shtresa më në nevojë është në fashën e xhiros vjetore 0-14 milionë lekë. Për të gjtihë të vetëpunësuarit do të përfitojnë pagën minimale prej 26 mijë lekë. Një element i rëndësishëm është se kjo pagesë do shkojë direkt në llogarinë e qytetarëve.

Qytetarët do të duhet të aplikojnë vetë në Drejtorinë e Tatimeve, por edhe drejtoria do bëjë filtrim të informacionit.

Kemi më pas edhe dy grupe të tjera. Njëra ndihmë ekonomike dhe tjetra e fondit të papunësisë. Të dyja me dyfishim të vlerës. Jemi duke parë si të vlerësojmë ndihmën për bizneset, që nuk kanë likudiditet. Prandaj kemi miratuar Fondin e Garancisë. Një instrument që nuk e kemi përdorur më perpara dhe kemi kërkuar mbështetjen e partnerëve tanë dhe javës tjetër dalim edhe me një qasje tjetër. Ky Fond është garancie që do të shkojë për të mbështetur bankat, që të ndihmojnë bizneset në formë overdraft-i. Nuk është në formë granti, pasi bizneset do ta shlyejnë në një moment të dytë, por do të jetë me norma interesi të ulët.

Gjithashtu i kemi shtuar lekët Ministrisë së Shëndetësisë për të plotësuar nevoajt e duhura për të përballuar këtë sfidë” tha ministrja.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.