“Argument” – Rektori Gjata bën thirrje për ndërgjegjësim: “Të bëhet kujdes me rregullat. Në gatishmëri edhe Covid 3”
I ftuar në “Argument” me gazetarin Enio Civici ka qenë profesori Arben Gjata, rektor i Universitetit të Mjekësisë për të folur mbi krizën që flitet se na pret përpara edhe pas shtimit të rasteve me infeksione ditore nga Covid 19, por edhe nga lajmet që vijnë prej vendeve të botës, ku qartazi qeveritë po fillojnë sërish me vendosjen e masave kufizuese.
Z.Gjata u shpreh se ajo që është më e rëndësishmja në këto momente te qytetarët është që të ndërgjegjësohen:
“Situata në Shqipëri është prej disa ditësh shqetësuese pasi ka fillaur një rritje rastesh dhe jemi stabilizuar diku tek numri 300 apo diçka më pak. Janë shifra jo të kënaqshme, që çon në rritje të mëtejshme të numrit të pacientëve. Dhe është e nevojshme në këtë periudhë që qytetarët të ndërgjegjësohen, sepse është pika më e rëndësishme që të zbatohen rregullat e thjeshta si higjiena personale, distancimi fizik, mbajtja e maskave dhe të tjerë, por shumë e rëndësishme është edhe zbatimi i rregullave të karantinimit.
Gjithashtu z.Gjata ka dhënë detaje për hapjen e spitalit Covid 3 ku shprehet se gjithçka është parapërgatitur në kohë për të siguruar stafin e nevojshëm dhe mjediset e duhura, por që nuk është ende e nevojshme hapja e tij:
“Po të ishim në saturimin e plotë të 1 dhe 2, 3 do ishte hapur, por sipas parashikimeve jemi afër mbushjes së tyre. Ka kohë që është bërë gati spitali 3 dhe ka qenë pavijon i Kirurgjisë dhe në mars të vitit të kaluar, ne si grup pune këmbëngulëm që derisa e kishim atë facilitet ta vinim në vende pune. Vendet e tjera ndërtua nspitale shuëm shpejt për të përballaur Covid. Ajo kërkesë që ne bëmë atëherë ishte e drejtë dhe u mor parasysh. Ai është rikosntruktuar pjesërisht dhe ka të gjitha paisjet e nevojshme dhe ai mund të presi në këtë periudhë mbi 100 pacientë të tjerë dhe me 140 shtretër. Është edhe një facilitet tjetër në autostradë i cili është rikonstruktuar për të pritur pacientët me Covid.
Janë shtuar në QSUT 50 infermierë të dedikuar për Covid. Në bazë rekomandimeve janë marrë përpara në punë, përpara se të hapej Covid3 dhe kemi pasur mjekë dhe infermierë që kanë qenë të ngarkuar tek Covid 1 me kohë të plotë, që jo vetëm të mësonim, por edhe të përgatiteshin. Pra Covid 3 është i mbuluar plotësisht. Janë marrë masa edhe për trajtimin e mjekëve, që tashmë punojnë në QSUT. Me hapjen e Covid 3 do kalojnë atje. Në këtë spital diskutohet të kalojën vetëm pacientët, të cilët e kanë kaluar fazën e riskut.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.