Ari e nis javën në rritje – Mbështetet nga dobësimi i dollarit dhe përhapja e variantit Delta
Ari po qëndron në rritje në sesionin e parë të kësaj jave, pasi dollari amerikan u tërhoq nga niveli më i lartë në disa muaj, përballë shportës me monedhat kryesore ndërkombëtare. Edhe shqetësimet mbi rritjen e infektimeve me variantin Delta të koronavirusit po mbështesin metalin e çmuar, pasi vlerësohet si një aset i sigurtë në periudha pasigurish. Ari po tregtohet në rreth 1,785 dollarë për onz.
Presidenti i Rezervës Federale të Dallasit, Robert Kaplan, që është një mbështetës i fortë i shtrëngimit të politikave monetare, deklaroi se mund të rishikojë bindjen e tij nëse varianti Delta i koronavirusit ngadalëson ekonominë globale. Referuar të dhënave të tjera, rritja e aktivitetit të fabrikave në Japoni u ngadalësua gjatë gushtit, ndërsa sektori i shërbimeve ra me hapin më të shpejtë që nga maji i vitit të kaluar.
Investitorët shprehen se, në këtë situatë ari mund të testojë nivelin e rezistencës prej 1795 dollarë për onz, ndërkohë që gjatë javëve të fundit është stabilizuar pranë 1,775 dollarëve për onz.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.