Ari, në performancë të mirë javore – Tërhiqet në tregtinë e fundit prej rritjes së dollarit amerikan
Ari është tërhequr në tregtinë e ditës së Premte, ndërkohë që dollari amerikan dhe interesat e borxhit të Thesarit u rritën, por çmimet ndodhen në performancën më të mirë javore në 1 muaj, prej shpresave për stimuj ekonomikë në Shtetet e Bashkuara. Norma spot e arit u tërhoq në 1,818.8 dollarë për onz, por çmimet ndodhen në rritje me 0.4% për Javën.
Analistët thonë se të dhënat e punësimit kanë ndikuar tek metali i çmuar. Megjithatë, sipas tyre, perspektiva është pozitive për arin, për shkak të politikave monetare dhe fiskale në fuqi. Tregtimi ishte gjithashtu i ngadaltë për shkak se shumë pjesë të Azisë kanë qëndruar të mbyllura për pushimet e Vitit të Ri Hënor.
Dollari dhe titujt 10-vjeçar të thesarit pësuan rritje, duke ulur tërheqjen e metalit të çmuar. Presidenti Joe Biden planifikon t’i kërkojë Kongresit këtë muaj që të investojë shumë në infrastrukturë, pasi të kalojë paketa e stimujve të Covid-19 prej 1.9 trilionë dollarë.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.