Ari, në rritjen e katërt javore / Mbështetet nga garancia e Fed për të mbajtur politikat lehtësuese

Ari është tërhequr në tregtinë e së Premtes, por pritet të tregojë rritjen e katërt radhazi javore, mbështetur nga garancia e Rezervës Federale se do të mbajë politikat monetare të lehtësuara, për të nxitur ekonominë.  Norma spot ra me 0.3% në 1,823.66 dollarë për onz, pasi shënoi 1,833 dollarë ditën e Enjte, që ishte niveli më i lartë që prej 16 Qershorit.  Për javën e plotë, ari pritet në rritje me 1%.  Analistët thonë se ka pasur një rënie të vazhdueshme të yieldit në SHBA dhe inflacioni ka vazhduar rritjen. Rënia e interesave ul koston oportune të mbajtjes së metalit të çmuar, që konsiderohet gjithashtu si një mbrojtës nga inflacioni.  Kryetari i Rezervës Federale Jerome Powell, u përball me pyetje mbi inflacionin në seancën në Kongres, ku përsëriti premtimin e tij për mbështetje të fortë ekonomike, deri sa rimëkëmbja të përfundojë.  Një pengesë për metalin e çmuar ka qenë rritja e dollarit amerikan, çka e bën arin më të shtrenjtë për mbajtësit e valutave të tjera.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.