Ari qëndron sipër $1,500/ Metalet e çmuara në performancë të fortë. Investitorët gjejnë strehim

Ari ka vazhduar rritjen përtej nivelit prej 1,500 dollarë për onz dhe argjendi tregtohet në nivelin më të lartë në 14 muaj. Të dy metalet e çmuara janë rritur prej perspektivës së dobët ekonomike në botë dhe ndërkohë që bankat qendrore më të mëdha kanë vazhduar uljen e normave të interesit.

Lufta tregtare mes Kinës dhe Shteteve të Bashkuara ka rritur gjithashtu kërkesën për aktive të mbrojtura nga rreziku. Ari mbeti i pandryshuar në 1,500 dollarë për onz në ditën e fundit tregtare të javës. Metali i çmuar është rritur me 4.2% gjatë javës dhe po tregon performancën më të mirë që prej Qershorit.

Argjendi i është drejtuar 17 dollarëve për onz, në rritje me 0.2%.

Metalet e çmuara zakonisht rriten në periudha të trazirave botërore dhe këto kanë qenë të dukshme së fundmi.

Ekonomia e Mbretërisë së Bashkuar u tkurr në tremujorin e dytë, duke rritur shqetësimet. Investitorët i janë drejtuar fondeve të listuara në bursë të mbështetura në ar, ndërkohë që zotërimet prekën nivelin më të lartë që prej Marsit 2013 gjatë javës.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.