Ari rritet me 1.5% në nisje të tregtisë. Nxitet nga rënia e dollarit dhe stimujt ekonomikë në SHBA
Arri është rritur me mbi 1% në nisjen e tregtisë ditën e Hënë, duke u rimëkëmbur nga niveli më i ulët në 8 muaj që preku në sesionin e kaluar, ndërkohë që dollari u dobësua dhe Dhoma e Përfaqësuesve në SHBA, kaloi paketën gjigante të stimujve prej 1.9 trilionë dollarë. Norma spot e arit u rrit me 1.5% në 1,757.8 dollarë për onz, në tregtinë e së hënës. Ari pësoi rënie me 3% të Premten e kaluar, duke regjistruar rënien më të madhe mujore që prej Nëntorit 2016, për shkak të rritjes së madhe të interesave të borxhit në SHBA.
Analistët thonë se përmbysja e interesave dhe dobësimi i dollarit amerikan, po i japin nxitje metalit të çmuar, ndërkohë që paketa e stimujve në SHBA po ofron mbështetje gjithashtu. Presidenti Joe Biden shënoi fitoren e parë ligjore, ndërkohë që Dhoma e Përfaqësuesve kaloi paketën e ndihmave të koronavirusit prej 1.9 trilionë dollarë në fundjavë.
Dollari u tërhoq nga niveli më i lartë në 1 javë që shënoi ditën e Premte, duke rritur tërheqjen për metalin e çmuar nga mbajtësit e valutave të tjera. Ari konsiderohet si një mbrojtës nga inflacioni, që pritet të vijë si pasojë e stimujve.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.