Ari rritet në tregtinë e sotme / Shkëlqen si aktiv i sigurtë prej shqetësimeve mbi variantin Delta
Çmimi i arit është rritur në tregtinë e sotme, ndërkohë që përhapja e variantit më infektues të virusit Delta, ka nxitur kërkesën për aktive të sigurta, përpara publikimit të të dhënave mbi punësimin më vonë gjatë Javës. Norma spot u rrit me 0.4% në 1,776.4 dollarë për onz.
Ndërkohë që tregu është shqetësuar mbi rritjen e interesave, përhapja e variantit Delta në të gjithë botën po mbështet çmimet e arit, sipas analistëve. Rritja e rasteve me variantin Delta ka bërë që Franca të vonojë rihapjen e disa rajoneve, ndërkohë që infeksionet janë shtuar edhe në Azi. Investitorët presin publikimin e të dhënave mbi punësimin në SHBA ditën e Premte, ç’ka do të ofrojë sinjale mbi drejtimin e politikave monetare nga Rezerva Federale. Fuqizimi i tregut të punës përbën një shenjë se banka qendrore do të nisë tkurrjen e politikave. Rritja e interesave nga Rezerva Federale rrit koston oportune të mbajtjes së arit, duke zbehur shkëlqimin e metalit.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.