Arkitekti i përgjigjes së Suedisë ndaj Covid-19 ende i pabindur a ka marrë vendimin e duhur / Dilema mes ekonomisë dhe sigurisë shëndetësore
Shkencëtari që qëndron pas planit të diskutueshëm të përmbajtjes së koronavirusit të Suedisë tha që ai ende nuk është i sigurt nëse vendi mori vendimin e duhur duke mos zbatuar një karantinim.
“Unë nuk jam i bindur fare”, tha Anders Tegnell, epidemiologu shtetëror i Suedisë, për gazetën suedeze Aftonbladet, duke shtuar se Agjencia e Shëndetit Publik të vendit – ku ai punon – po monitoronte vazhdimisht situatën.
Suedia ka tërhequr vëmendjen ndërkombëtare pasi ka zgjedhur të mbështetet në sensin e qytetarëve për detyrën publike dhe thjesht i ka nxitur ata të praktikojnë distancimin shoqëror, në vend që të zbatojnë një mori rregullash karantinimi.
Njerëzve u kërkohet mbajnë distancë, por dyqanet, restorantet, baret, parqet dhe shkollat fillore janë akoma të hapura, me rregullat e vetme në fuqi që përfshijnë ndalimin e tubimeve mbi 50 persona, vizitat në shtëpitë e përkujdesjes së të moshuarve të ndaluara dhe restorantet që nuk mund të shërbejnë më në këmbë, por vetëm në tavolina.
Nëse plani i Suedisë provohet i suksesshëm, do të tregojë se vendet mund të kishin luftuar virusin pa shkatërruar ekonominë e tyre.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.