Arrestohen autorët e grabitjeve, Policia e Shtetit rikuperon një pjesë të parave

Policia e Shtetit arrin të rikuperojë një pjesë të sasisë së parave të vjedhura vetëm pak ditë më parë. Në këtë grabitje u morën disa thasë me para në vlerën e 3.2 milionë dollarë.

Policia ka arritur që të arrestojë 4 nga 6 të dyshuarit, jo vetëm të grabitjes që u krye ditën e enjte por edhe të grabitjes së kryer në vitin 2015.

Në një dalje për median, Drejtori i Policisë së Tiranës Ervin Hodaj është shprehur se policia po punon intensivisht  për zbardhjen e ngjarjes.

Ministri i Brendshëm Saimir Tahiri e ka cilësuar ditën e sotme si një ditë normale pune për Policinë e Shtetit, ndërkohë që ka falenderuar çdo qytetar për besimin që ka ndaj saj.

Entela Barjamaj/ RTVSCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.