Arrestohet kreu i Audi – Dyshohet se mund të pengojë hetimin e skandalit të Volkswagen
Kreu i Audi, njësisë luksoze të Volkswagen, është arrestuar në fillim të kësaj jave, që është zyrtari më i lartë deri më tani i përfshirë në skandalin e ndotjes. Prokurorët në Mynih bënë të ditur se Rupert Stadler është arrestuar për shkak të shqetësimeve se mund të pengojë hetimin e skandalit, duke e futur Volkseagen në një krizë të lidershipit.
Lajmet e arrestimit vijnë ndërkohë që kreu i ri ekzekutiv i Volkseagen, Herbert Diess, po përpiqet të prezantojë një strukturë të re të drejtimit që përfshin Stadler, dhe të përshpejtojë ambiciet e grupit drejt makinave elektrike, për të lënë pas skandalin e emetimit.
“Gjatë hetimit mbi skandalin e emetimit dhe motorrat Audi, është dhënë urdhër arresti për Ruper Stadler”, deklaron prokuroria e Mynihut. Një gjykatës urdhëroi që Stadler të qëndrojë nën arrest, për ta parandaluar që të bllokojë apo shtrembërojë hetimin.
Audi dhe VW e konfirmuan arrestin dhe përsëritën pafajësinë për Stadler. Zëdhënësit e Porche, bënë të ditur se arrestimi i Stadler do të diskutohet në bordin e mbikëqyrjes ditën e Hënë.
Volkseagen pranoi në Shtator të vitit 2015 se ka përdorur software të paligjshëm për të kaluar testimet e ndotjes në SHBA për motorrat diesel, gjë që solli krizën më të madhe në historikun e kompanisë dhe rritjen e mbikëqyrjes për industrinë e makinave.
SHBA ngriti padi penale kundër ish kreut ekzekutiv Martin Winterkorn në Maj, por ai nuk ka gjasa që të përballet me autoritetet amerikane për shkak se Gjermania nuk i ekstradon shtetasit në vende jashtë Bashkimit Europian.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.