Arsimi profesional – Austria jep 900 mijë euro për rritjen e cilësisë dhe konkurrencës

Austria do të mbështesë arsimin profesional në Shqipëri përmes Agjencisë Austriake për Zhvillimin me një vlerë prej 900 mijë euro.

Marrëveshja për projektin Al-Tour është nënshkruar gjatë ditës së sotme.

Përmes saj, synohet jo vetëm rritja e cilësisë dhe konkurrencës, por edhe përfshirjes sociale të fuqisë punëtore në sektorin e turizmit përmes përmirësimit të arsimit dhe formimit profesional në turizëm, mikpritje dhe catering.

Ndërkohë, një ditë më parë qeveria shqiptare nënshkroi një marrëveshje me Gjermaninë, ku kjo e fundit do të financojë projektet publike me një vlerë prej 168 milionë euro.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.