Arsimi profesional – Qeveria miraton fond të posaçëm për tre kategori
Qeveria ka miratuar këtë të mërkurë një fond të posaçëm i cili do të nxisë formimin profesional në tre kategori. Këtë fakt e ka bërë publik Ministri i Financave dhe Ekonomisë Arben Ahmetaj, i cili ka nënvizuar se do vazhdojnë të mbështesin arsimi profesional.
Tre grupe që promovohen dhe për të cilët është miratuar fondi janë nënat kryefamiljare, të rinjtë dhe punëdhënësit që do të ofrojnë punë për të rinjtë.
Sipas Kryeministrit Edi Rama më shumë mundësi punësimi kanë të rinjtë që kanë përfunduar arsimin profesional. Rreth 20% e të rinjve që punësohen vijnë nga arsimi profesional në krahasim me arsimin e përgjithshëm.
Rama në fjalën e tij u ndal edhe në investimet që do të bëhet për ndërtimin e shkollave të arsimit profesional.
Të rinjtë që ndjekin arsimin profesional kanë prezantuar disa nga projektet e tyre të cilat shumë shpejtë mund të marrin patentë, pasi janë projekte për të cilat shoqëria ka nevojë, referuar edhe zhvillimeve teknologjike.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.