“Artet” në mbështetje të studentëve – Përgjysmim tarifash dhe plotësim të kërkesave të tjera
Pas Universitetit të Tiranës edhe senati akademik i Universitetit të Arteve është shprehur i gatshëm të mbështesë kërkesat e formuluara nga studentët të cilët prej ditësh janë në protestë për realizimin kërkesave të tyre.
Në deklaratën e publikuar pas mbledhjes së senatit, rezulton se ky institucion do të mbështesë kërkesat e formuluara nga studentët, si përgjysmimin e tarifave, duke i kërkuar Bordit të Administrimit përllogaritjen e efektit financiar për universitetin, përfshirjen e të gjithë mekanizmave financiarë , për të garantuar transparencë maksimale dhe realizimin e tyre brenda vitit 201-2018 për të gjithë hapat drejtë një arsimi artistik cilësor , etikës në krijimtari e kërkim shkencor , por edhe përfshirjen direkt të studentëve .
Ky Universitet merr përsipër përfshirjen në statut dhe rregulloret e brendshme , kodifikimin e rregullave të qarta që do të garantojnë pjesëmarrjen e nevojshme të studentëve në veprimtaritë akademike dhe financiare si dhe ngritjen e një grupi të përbashkët pune, pedagog -student , për shqyrtimin e të gjitha problematikave të ngritura dhe çështjeve të tjera që lidhen me përmirësimin e veprimtarisë së institucionit.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.