Asnjë fjalë për vizat – Delegacioni holandez në Tiranë: Qëndrimi për negociatat pas raportit të BE
Një delegacion i nivelit të lartë holandez ka vizituar Tiranën për rreth dy ditë. Në fund të takimeve me përfaqësues të institucioneve dhe politikës shqiptare, Jeffrey Van Haaster, deputet i parlamentit holandez dhe njëherësh reporter për Ballkanin Perëndimor, bëri me dije se nuk është diskutuar për çështjen e rikthimit të vizave dhe se në qendër të diskutimeve ka qenë çelja e negociatave me Bashkimin Evropian dhe përmbushja e reformave nga ana e Shqipërisë.
Problemi i rikthimit të vizave për shtetasit shqiptarë pritet të diskutohet gjatë vizitës së një delegacioni Shqiptar në Holandë i parashikuar të kryhet në fund të këtij muaji.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.