“Asnjë rast me variantin Delta” – Manastriliu: Do ulim fashën e moshës së vaksinimit, vazhdojnë dhe ditët e hapura

Pavarësisht se në disa nga vendet e rajonit janë konfirmuar raste me variantin Delta të COVID-19, në vendin tonë nuk është shënuar ende asnjë rast”. Gjithçka u bë me dije nga ministrja e Shëndetësisë, Ogerta Manastiliu nga foltorja e parlamentit, ndonëse shtoi se strukturat shëndetësore në vend janë në situatë alerti.

Manastriliu tha se me mbërritjen e dozave të reja të vaksinës për COVID-19 do të ulet fasha moshore, ndërsa do të vijohet edhe me ditët e hapura për vaksinimin e të rinjve mbi 18 vjeç.

Aktualisht në vendin tonë kanë mbërritur 1 120 000 doza vaksinë, ndërkohë që sipas ministres në periudhën korrik-gusht do të vijnë edhe 400 mijë doza të tjera. Deklaratat e ministres u bënë gjatë diksutimeve të Aktit Normativ të qeverisë për nënshkrimin e një kontrate të re me kompaninë Pfizer, pasi vetëm në këtë mënyrë mund të marrë  23 4000 vaksinat e kësaj kompanië për COVID-19, që i janë akorduar nga mekanizimi COVAX.

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.