AstraZeneca shkurton dërgesat e vaksinës – Shkak, rendimentet e reduktuara në një vend prodhimi brenda zinxhirit të furnizimit

Kompania farmaceutike AstraZeneca ka informuar zyrtarët e Bashkimit Europian  se do të shkurtojë dërgesat e vaksinës COVID-19 në bllok me 60% , në 31 milion doza në tremujorin e parë të vitit, për shkak të problemeve ne prodhim.

Ulja e dërgesave  sjell një goditje tjetër të procesit të vaksinimit COVID-19 të Europës pasi Pfizer dhe partneri BioNTech ngadalësuan furnizimet e vaksinave të tyre në bllok këtë javë, duke thënë se  lëvizja ishte e nevojshme për shkak të punës për të rritur prodhimin.

AstraZeneca pritej të jepte rreth 80 milion doza në 27 vendet e BE deri në fund të Marsit. Ndërkaq,  ka planifikuar të fillojë dërgesat në BE nga 15 shkurt, në përputhje me planet origjinale.

Kompania konfirmoi rënien e dërgesave pa dhënë detaje specifike mbi madhësinë e mungesës.

“Vëllimet fillestare do të jenë më të ulëta sesa parashikoheshin fillimisht për shkak të rendimenteve të reduktuara në një vend prodhimi brenda zinxhirit tonë të furnizimit Evropian,” tha një zëdhënës i AstraZeneca në një deklaratë me shkrim.

“Ne do të furnizojmë me dhjetëra miliona doza në Shkurt dhe Mars në Bashkimin Evropian, ndërsa vazhdojmë të rrisim vëllimet e prodhimit,” u shpreh ai në lidhje   me vaksinën e zhvilluar me Universitetin e Oksfordit.

BE ka një marrëveshje për të blerë të paktën 300 milion doza nga AstraZeneca, me një mundësi për 100 milion shtesë, pjesë e angazhimeve globale të kompanisë për të furnizuar më shumë se 3 miliardë doza.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.