Austria dhe Danimarka nuk i binden BE. Do bashkëpunojnë me Izraelin për të prodhuar vaksina kundër Covid-19
Austria dhe Danimarka, pas shqetësimeve mbi shpërndarjen e ngadaltë të vaksinave në BE, kanë thyer udhëzimet me Brukselin, duke formuar një aleancë me izraelin për të prodhuar vaksina të gjeneratës së dytë kundër mutacioneve të Covid-19. Kjo lëvizje nga 2 vendet anëtare të BE, vjen përballë rritjes së irritimeve ndaj vonesave në porosi, miratim dhe shpërndarje të vaksinave në Europë, që ka ngelur shumë pas fushatës rekord të Izraelit. Kancelari austriak, Sebastian Kurz, tha se ndërsa në parim, blerja e vaksinave nga BE për vendet anëtare është diçka e saktë, Agjencia e Barnave ka qenë tejet e ngadaltë në miratimin e tyre. “Ne duhet të përgatitemi për mutacione të tjera dhe nuk duhet të varemi më vetëm tek BE për prodhimin e vaksinave të gjeneratës së dytë”- tha kancelari konservator.
Kryeministri danez, Mette Frederiksen, kritikoi gjithashtu programin e vaksinave në Europë. “Nuk mendoj se ja del dot i vetëm, pasi duhet të rrisin kapacitetin. Prandaj dhe jemi me fat për të nisur një partneritet me Izraelin” – tha ai. Ndërsa pyetej nëse Austria dhe Danimarka po ndërmarrin veprime individuale në marrjen e vaksinave, Frederiksen tha se mund të quhet edhe kështu. Dy liderët pritet të udhëtojnë në Izrael këtë Javë për të parë shpërndarjen e shpejtë të vendit nga afër. Një numër i madh i vendeve të BE po bëjnë porosi dytësore për vaksinat nga Kina dhe Rusia, pavarësisht se Agjencia Europiane e Barnave nuk ka vendosur mbi efektshëmrinë. Sllovakia porositi 2 milionë doza të Sputnik në nisje të javës, që pritet të arrijnë këtë muaj.
Çekia fqinje, që përballet aktualisht me infeksionin më të keq në BE, po konsideron gjithashtu vaksinën Sputnik. Ndërkohë, Hungaria ka marrë dërgesat e Sinopharm të kinës dhe kryeministri Viktor Orban, lajmëroi në fundjavë se ka marrë injeksionin.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.