Autoriteti Kombëtar i Ushqimit futet në minimarketet e fshatrave! Do të ndalohet tregtimi i ushqimeve të skaduara
Autoriteti Kombëtar i Ushqimit deklaron se ka shtuar vëmendjen në marketet e zonave rurale duke bërë të mundur ndalimin e tregtimit të ushqimeve të skaduara dhe duke garantuar tek konsumatori sigurinë ushqimore.
“Konkretisht, Drejtoria Rajonale e AKU-së Dibër ka nisur kontrollin e të gjitha supermarketeve dhe dyqaneve që tregtojnë produkte ushqimore në zonat rurale të këtij qarku. Ky aksion është ndërmarr për evitimin e konsumimit të ushqimeve të skaduara, apo atyre që nuk tregtohen në kushtet e duhura higjeno-sanitare” njofton AKU.
Trupa inspektuese e AKU-së ka evidentuar në Klos 6 subjekte me aktivitet “ minimarket” të cilët janë kapur në flagrancë duke tregtuar produkte të skaduara. Ndaj këtyre subjekteve janë marrë masa administrative gjobë si dhe bllokim të produkteve kryesisht mish, sallam, miell dhe patatina.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.