Autoriteti Portual Durrës: Mbi 336 mijë udhëtarë kanë shfrytëzuar gjatë dy muajve të fundit transportin detar

Mbi 336 mijë udhëtarë vendas dhe të huaj, kanë shfrytëzuar gjatë dy muajve të fundit tragetet e linjave Durrës – Bari dhe Durrës – Ankona e kthim ka njoftuar Autoriteti portual Durrës.

Nga të dhënat zyrtare të APD-së, në periudhën korrik – gusht 2021 tragetet kanë kryer 247 lundrime vajtje – ardhje gjithsej, me 87,889 autovetura në bord.

Bashkë me udhëtarët dhe autoveturat, tragetet gjatë këtyre dy muajve kanë transportuar 12,289 kamionë dhe trailerë me rreth 143 mijë tonë mallra të ndryshme gjithsej.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.