Autoriteti Rrugor Shqiptar publikon fotot: Ndërhyrje për rrëshqitjet në Levan-Tepelenë! Intensitet të lartë për përfundimin e “bypass”-it
Autoriteti Rrugor Shqiptar njofton se sëbashku me kompanitë kontraktore po vazhdojnë ndërhyrjen në terren për eliminimin e rrëshqitjes së ndodhur në aksin Levan-Tepelenë, në afërsi të Poçemit.
“Po punohet me intensitet mjaft të lartë për përfundimin e Bypass-it në një kohë sa më të shkurtër në mënyrë që të mundësojë rikthimin e qarkullimit normal të automjeteve, kjo në funksion edhe të kushteve atmosferike. Vijohet që zona të mbahet nën monitorim, duke qenë se vatra e rrëshqitjes është ende aktive, për të shmangur rrezikshmërinë” njofton Autoriteti.
Referuar njoftimit, kalimi i mjeteve vazhdon të kryhet përmes rrugës së vjetër të Ballshit, ndërsa Autoriteti Rrugor Shqiptar do t’ju informojë në momentin që do të jetë i aksesueshëm Bypass-i për ta rikthyer lëvizjen nga rruga Levan-Tepelenë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.