Autoshkollat kërkojnë çmim dysheme – Gjinaj: Të tatohet në burim, për ndryshimet e Kodit Rrugor s’na pyeti askush
Subjektet që ushtrojnë aktivitetit si autoshkolla kërkojnë që të vendoset një çmim dysheme, ndërkohë që tatimi nga ky çmim të jetë në burim”. GJatë Konferencës së parë Kombëtare të Autoshkollave ata ngritën shqetësime në lidhje me konkurrencën e pandershem,që vjen edhe si pajë e mungesës së kritereve të qarta ligjore.
Po ashtu, me tone kritike u vu theksi te mungesa ekonsultimeve gjatë ndryshimeve që iu bënë Kodit të Transportit Rrugor dhe Vendimit të Këshillit të Ministrave, që u miratua në zbatim të tij.
Gjatë konferencës u bë me dije se tashmë Drejtoria e Pëgjithshme e Shërbimeve të Transporti Rrugor po harton edhe udhëzimin, që duhet të dalë për zbatimin e Kodit Rrugor, që gjithashtu u kundërshtua për përmbajtjen e tij. Për këtë arsye, Federata e Transporti dhe Telekomunikacionit dhe Shoqata Kombëtare e Autoshkollave do të dalin me propozime konkrete, për t’ia dorëzuar institucioneve, me qëllim përmirësimin e sektorit dhe rritjen e cilësisë.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.