Axhenda e Kuvendit/ Interpelancë me ministren e Financave – Projektligjet e projektvendimet që pritet të votohen nesër
Është publikuar axhenda e seancës plenare të ditës së enjte, ku janë përcaktuar 14 pika në rend dite. Kështu, në seancën e nesërme është parashikuar të zhvillohet një interpelancë me ministren e Financave dhe Ekonomisë, Anila Denaj, e thirrur nga kreu i Grupit Parlamentar të Lëvizjes Socialiste për Integrim, Petrit Vasili.
Po ashtu, janë një sërë projektligjesh e projektvendimesh që pritet të votohen gjatë në seancën e së enjtes, ndër të cilat projektvendimet për miratimin e strukturave organizative të Këshillit të Lartë Gjyqësor dhe Këshillit të Lartë të Prokurorisë; Për zgjedhjen e kryetarit dhe një anëtari të Bordit të ERE, etj.
Në rend dite gjithashtu është parashikuar edhe projektvendimi i mbartur për votim për zgjedhjen e tre anëtarëve të Këshillit Drejtues të Radiotelevizionit Shqiptar.
Ndërkohë, në axhendë nuk është përcaktuar orari i nisjes së seancës plenare.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.