Azil në “Tokën e Premtuar” – Biden nis “çmontimin” e Administratës Trump
Një grup i parë prej 25 azilkërkuesish kaluan kufirin e SHBA-së, nën reformat gjithëpërfshirëse të emigracionit të Presidentit Biden, ndërsa mijëra të tjerë prisnin në Meksikë me shpresën se edhe ata do të lejoheshin të hynin.
Azilkërkuesit u lejuan të hynin në Shtetet e Bashkuara të Amerikës, si pjesë e përpjekjeve të Joe Biden, për “të lëshuar” politikat kufizuese të imigracionit të administratës Trump.
Administrata e Biden lëvizi shpejt për të filluar çmontimin e politikës së diskutueshme, të quajtur zyrtarisht Protokollet e Mbrojtjes së Migrantëve (MPP), me një fazë të parë që filloi të Premten.
Unioni Amerikan i Lirive Civile e mirëpriti ardhjen e tyre si “një hap i rëndësishëm në rindërtimin” e sistemit të azilit të SH.B.A.-së.
25 azilkërkuesit u lejuan të hyjnë në San Ysidro, California dhe tani do të jenë në karantinë në një hotel lokal, sipas agjencisë së lajmeve Reuters.
Burimi origjinal: Deutsche Welle
Përshtati në shqip: SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.