Ban Ki-Moon: “Bota po përballet me disa katastrofa njëkohësisht, duhet udhëheqje”
Ish Sekretari i Përgjithshëm i KB-së Ban Ki-Moon ka folur për katastrofat e shumta me të cilat po përballet bota aktualisht, të cilat janë theksuar nga pandemia e koronavirusit në vazhdim.
Ban, i cili udhëhoqi KB-në nga 2007-2016, u bëri thirrje udhëheqësve globalë të rrisin ambiciet e tyre në mënyrë që të shmangin dështimet në një varg çështjesh të ndryshme, përfshirë ndryshimin e klimës dhe mungesën e ujit.
“Ka akoma 2 miliardë njerëz që nuk kanë ujë të pijshëm, më shumë se 1.5 miliardë njerëz që nuk kanë energji elektrike dhe ka më shumë se 60 milion nxënës që nuk shkojnë në shkollë, madje edhe shkollën fillore … Kjo është e trishtueshme,”, tha Ban për CNBC.
“Ne po qëndrojmë në greminën e të gjitha këtyre krizave … Unë shpresoj që udhëheqësit globalë të kenë vizione globale, që ne jemi në këtë botë së bashku, të gjithë jemi së bashku, përndryshe, të gjithë do të jemi një dështim . Prandaj, unë me të vërtetë po i nxis udhëheqësit politikë të bëjnë më të mirën, duke udhëhequr nga shembulli, “shtoi ai.
Ban tha që 10 vitet e ardhshme do të ishin shumë të rëndësishme për udhëheqësit globalë që të punojnë në Objektivat e Zhvillimit të Qëndrueshëm të KB. Këto janë 17 objektiva të krijuara nga organizata me bazë në Neë York të cilat janë një thirrje për veprim mbi qëndrueshmërinë ekonomike, sociale dhe mjedisore deri në vitin 2030.
SCAN
Burimi: CNBC
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.