Banesat e dëmtuara dhe të shembura nga tërmeti- Javën e ardhshme bëhet aktive një platformë e posaçme
Gjatë konferencës së përbashkët që u zhvillua midis ministrit të mjedisit dhe urbanizimit turk, Murat Kurum si dhe ministrit për rindërtim Arben Ahmetaj, ky i fundit ka theksuar se ka nisur puna për rindërtimin e 500 banesave për qytetarëve që kanë humbur shtëpitë prej tërmetit të 26 nëntorit, të vitit të kaluar. Ky koncept shkon përtej ndërtimit të emergjencës, në kuptimin e zhvillimit urbanistik dhe atë ekonomik. Ky proces rindërtimi do të jetë një risi si dhe një projekt model për projektet e tjera.
Një sërë programesh të detajuara janë prezantuar në vendimet e Këshillit të Ministrave i cili do të jetë në funksion të qytetarëve. Gjithashtu do të zhvillohet një takim me bashkitë e prekura, për të diskutuar rreth aspektit praktik të procesit, që nga zbatimi i programeve, grantet për rikonstruksion, bonuset e qerave, shpronësimet dhe kompesimet, procedurat e përshpejtuara të lejeve të ndërtimit deri tek detyrat shumë specifike që do të kenë zyrat e posaçme të rindërtimit në secilën bashki.
Përsa i përket asistencës që duhet të ofrohet për çdo qytetar të interesuar në lidhje me aplikimin në platformën online, ministri Ahmetaj ka bërë me dije se ajo do të jetë funksionale brenda javës që vjen.
Kjo është një situatë komplekse pasi vendi ynë nuk ka pasur asnjëherë më parë një platformë ligjore apo proceduriale për rindërtime të këtij lloji.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.