Banka Amerikane / Dikur është gjobitur për diskriminim, sot dhuron 1 miliard dollarë për të luftuar pabarazinë racore
Banka e Amerikës do të dhurojë 1 miliard dollarë gjatë katër viteve të ardhshme për programet e komunitetit dhe bizneset e vogla për të ndihmuar në adresimin e pabarazisë ekonomike dhe racore që është acaruar nga Covid-19.
CEO, Brian Moynihan tha në njoftimin për shtyp se “pabarazitë themelore ekonomike dhe sociale” u përkeqësuan nga pandemia dhe përmendi protestat mbarëkombëtare të nxitura nga vdekja e George Floyd e cila “ka krijuar një ndjenjë të urgjencës së vërtetë”.
“Të gjithë duhet të bëjmë më shumë,” tha ai. Dhurimi i miliarda dollarëve është një zgjerim i disa qindra miliona dollarëve që Banka e Amerikës ua dhuron jo-fitimprurësve dhe jep hua për biznese të vogla, të zotëruara nga minoritete.
Banka e Amerikës tha që paratë do të zgjerojnë shërbimet shëndetësore si klinikat e vaksinimit në komunitetet e njerëzve me ngjyrë, do të “mbështesin” bizneset e vogla dhe do të rekrutojnë punonjës të rinj të bankave në komunitetet me të pafavorshme ekonomike.
Dhurimi i Bankës së Amerikës, i cili arrin 250 milion dollarë në vit gjatë katër viteve të ardhshme, është një pjesë e vogël krahasuar me dhurimin prej 27.4 miliardë dollarëve që bëri në vitin 2019. Ai gjithashtu ktheu një rekord 34 miliardë dollarë në riblerje të aksioneve vitin e kaluar, njoftoi banka në fillim të këtij viti.
Banka gjithashtu ka një histori të trazuar me pakicat: Ajo u gjobit me 2.2 milion dollarë në 2013 për diskriminim ndaj kandidatëve me ngjyrë për punë gjatë dy dekadave. Departamenti i Punës i SHBA urdhëroi që banka të paguante gjobën pasi zbuloi se më shumë se 1,100 punëkërkues afrikano-amerikanë u përballën me diskriminim në zyrat e kompanisë në Charlotte, Karolina Veriore, në periudha të ndryshme midis 1993 dhe 2005.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.