Banka e Kanadasë synon Korrikun – Lufta tregtare me SHBA pritet të ndikojë vendimin
Efektet e tarifave në SHBA dhe rregullave më të ashpra të kreditit do të reflektohen në vendimin e Bankës së Kanadasë në Korrik, sipas guvernatorit, Stephen Poloz. Gjatë fjalimit të tij, Poloz solli luhatje të dollarit kanadez, duke e çuar në nivelin më të ulët në 1 vit dhe rimëkëmbur më vonë.
Banka la hapur mundësinë për një rritje të normave të interesit në Korrik. Lufta tregtare mes Kanadasë dhe Shteteve të Bashkuara po dëmton investimet e bizneseve, por sipas guvernatorit, ekonomia e brendshme është në kapacitet të plotë dhe inflacioni brenda objektivit, kështu që të dhënat mbi ekonominë do të përcaktojnë lëvizjen e radhës në normat e interesit. Dollari kanadez ra në nivelin më të ulët në 1 vit, në 74.7 cent, pas fjalimit të guvernatorit, duke rimëkëmbur më vonë të gjithë humbjen ndërkohë që ai premtoi rritje graduale të interesave.
Analistët tashmë i kanë shtuar bastet për muajin Korrik. Megjithatë, guvernatori tha se ekzistojnë një serë paqartësisë, përfshirë ndikimin e luftës tregtare te investimet e bizneseve, ashpërsimin e rregullave për kreditë hipotekore te tregu i pronave dhe reagimi i konsumatorëve ndaj tkurrjes monetare. Banka e Kanadasë ka rritur 3 herë normat e interesit që prej Korrikut 2017.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.