Banka e Pireut do shesë kreditë e këqija / Bie dakord për portofolin e titullizuar të kredive të zhvlerësuara

Banka e Pireut theksoi se ka arritur marrëveshje me shërbimin e kredive Intrum dhe manaxhuesin e aktiveve Serengeti, për të shitur 49% dhe 2% të borxhit të ndërmjetëm (mezzanine) dhe me prioritet të ulët (junior) në portofolin e titullizuar të kredive të zhvlerësuara të quajtur “Sunrise I”.  Ky portofol përfshin ekspozime jo performuese (NPE)  me pakicë dhe të korporatave.  “Vlerësimi i transaksionit, bazuar tek vlera nominale e borxhit me prioritet (senior notes) dhe çmimi i shitjes së borxhit të ndërmjetëm dhe me prioritet të ulët, arrin në rreth 34% të vlerës totale të librit”- deklaroi banka e Pireut.  Vlera bruto e librit të portofolit Sunrise qëndronte në 7.2 miliardë euro në fund të Shtatorit të kaluar.  Shitja është pjesë e pastrimit të ekspozimeve jo performuese prej 19 miliardë euro e bankës së Pireut, që synon të ulë normën e tyre në një-shifrore në 12 muajt e ardhshme.   Banka e Pireut theksoi se ka aplikuar për të përfshirë letrat me prioritet të portofolit në skemën “Herkuli” të uljes së kredive të këqija të Qeverisë, që ofron një garanci shtetërore tek letrat me prioritet, që arrin në prej 2.45 miliardë euro. “Ndikimi i pritur në kapital prej transaksionit qëndron në 2.7% ndaj normës totale të kapitalit në Dhjetor 2020”- theksoi banka.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.