Banka italiane i jep mundësinë klientëve të tregtojnë bitcoin
Italia u ka dhënë mundësinë klientëve të tregtojnë bitcoin.Transaksionet kalojnë nëpër platformën Hype, ndersa banka vepron si një ndërmjetës për të parandaluar rreziqet e mundshme të sigurisë kur bëhen shkëmbimet e kriptovalutave.
Platforma është përdorur tashmë nga rreth 1.2 milion italianë që jo vetëm tregtojnë bitcoin, por përdorin edhe kriptovalutat për të paguar mallrat dhe shërbimet.
Sipas studimeve, interesi për Bitcoin si një mënyrë e sigurt për transferimin e fondeve në Itali po rritet nën regjimin e rreptë të karantinës të lidhur me pandeminë e koronavirusit.
Kriptovalutat ishin të njohura në Itali edhe përpara karantinës, sipas një studimi të kryer vitin e kaluar, i cili tregonte se Bitcoin ishte shndërruar në mjetin e tretë më të popullarizuar për të paguar blerjet në internet.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.