Bankat shtrëngojnë aksesin në kreditim, BQE: “Ashpërsojnë kriteret e miratimit të kredive, prej pandemisë”

Bankat në Eurozonë kanë shtrënguar aksesin në kreditim në tremujorin e tretë të vitit dhe presin që ta vazhdojnë këtë në pjesën e mbetur të vitit, ndërkohë që ekzistojnë shqetësime mbi ndikimin e pandmiesë së koronavirusit, sipas një sondazhi të Bankës Qendrore Europiane. Bankat kanë ashpërsuar kriteret e tyre për miratimin e kredive ndaj sipërmarrjeve dhe konsumatorëve, si dhe termat dhe kushtet e kreditit që kanë miratuar, sipas sondazhit.

Institucionet presin që kjo të vazhdojë në tremujorin e katërt të vitit. Huadhënësit përmendën një rritje të perceptimit të rrezikut dhe tolerancën më të ulët për të, sipas sondazhit të Bankës Qendrore Europiane.  Kjo është kompensuar pjesërisht nga masat e mbështetjes të sektorit publik gjatë Pranverës, si garancitë qeveritare për kreditë.

“Për tremujorin e katërt 2020, bankat presin që standardet e kreditit të vazhdojnë të shtrënguara për firmat, duke reflektuar shqetësime mbi rimëkëmbjen ekonomike, ndërkohë që shumë sektorë janë të cënuar”- deklaron institucioni qendror në Frankfurt

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.