Barazia në paga, “medalje bronzi” – WEF: Meshkuj-femra, Shqipëria në vend të 3-të në botë

Shqipëria është vendi i tretë në botë për barazinë në paga mes meshkujve dhe femrave, thotë Forumi Ekonomik Botëror, në raportin e fundit për hendekun gjinor.

Në këtë raport, vendi ynë u ngjit në tërësi me 24 pozicione, për t`u pozicionuar i 38-ti në rang global. Sa i përket barazisë në paga për të njëjtin pozicion pune, Forumi Ekonomik Botëror e radhit vendin tonë, pikërisht në vendin e tretë në nivel botëror, ndër 144 shtete të ndryshme. Në krahasim me një vit më parë, pozicioni mbetet i njëjtë, por me një rritje në pikëzim, nga 0.82 në 0.83 pikë, çka flet për një përmirësim në këtë drejtim.

Metodologjia që ka përdorur Forumi Ekonomik Botëror në përpilimin e këtij indeksi dhe për rrjedhojë edhe renditjes globale bazohet në formën e një ankete. Në renditjen globale,

Shqipëria në këtë drejtim lë pas shumë vende të zhvilluara të globit, edhe në aspektin e të drejtave civile dhe barazisë. Studime të ndryshme ilustrojnë një panoramë krejt të ndryshme sa i përket barazisë gjinore në vendin tonë, por thuajse të gjithë dalin në të njëjtat përfundime për barazinë në paga mes femrave dhe meshkujve.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.