Barclays publikon rezultatet – Raporti i mjaftueshmërisë së kapitalit rritet në 12.4%
Banka britanike Barclays, raportoi një rritje në raportin e kapitalit bazë kundër aktiveve të ponderuara me risk, ndërkohë që përgatitet për çështjet ligjore me Departamentin e Drejtësisë në SHBA dhe përkeqësimit të kushteve globale të tregut.
Aksionet e huadhënësit patën rritjen më të madhe në një vit në hapje të sesionit europian. Raporti i mjaftueshmërisë së kapitalit u rrit në 12.4%, ndërkohë që analistët e prisnin në 11.8%.
Banka deklaroi se fuqizimi në kapital erdhi prej rritjes së fitimeve dhe ndërsa institucioni po arrin fundin e një procesi të ristrukturimit.
“Jemi të pozicionuar mirë për të përballuar trazirat në vitet e ardhshme”, tha kreu ekzekutiv i institucionit, Jes Staley. Barclays përballet me një akuzë nga Departamenti i Drejtësisë në SHBA për shitjen e letrave me vlerë të kolateralizuara në periudhën e krizës financiare.
Banka raportoi një fitim përpara tatimeve për vitin prej 3.2 miliardë paund, krahasuar me 1.14 miliardë paund që ishte në 2015-ën. Fitimi për tremujorin e katërt rezultoi në 330 milionë paund, krahasuar me një humbje prej 2.1 miliardë për të njejtën periudhë një vit më parë.
Banka deklaroi se po pret përgjigje nga rregullatorët për shkëputjen e njësisë së biznesit në Afrikë, gjë që do të kërkojë 765 milionë dollarë nga huadhënësi në Britani. Barclays është rimëkëmbur nga humbjet post-Brexit, duke u rritur me 53% në vlerë tregu që prej 24 Qershorit.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.