Basha komunikim me bizneset në Tiranë – Çek 1 mijë euro për shpenzimet minimale të biznesit të vogël

Gjatë ditës së sotme kryetari i Partisë Demokratike, Lulëzim Basha ka vizituar disa biznese në Tiranë për të parë gjendjen e tyre aktuale dhe për të shpjeguar planin e rimëkëmbjes.

Në bashkëbisedim me qytetarët Basha është shprehur se: “Vendi i ka mundësitë që për një periudhë 6 mujore ti japë një ndihmë bizneseve të vogla, duke ju dhënë një çek prej 1 mijë euro për të mbuluar shpenzimet minimale.

“Gjatë kohës së karantinës shumica dërrmuese e bizneseve janë harruar, tani që pandemia nuk po i zbut efektet por po i thellon, qeveria nuk ka asnjë plan, asnjë ide për ti ardhur në ndihmë bizneseve”.

Basha mbështetet te plan i tij me 5 pika për të nxjerrë vendin nga situata e krijuar dhe paratë e taksapaguesve të kthehen sërish te sipërmarrja dhe te biznesi i vogël.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.