Basha marrëveshje me operatorë turistikë: “Tatim 6% për të gjitha hallkat e sektorit deri në normalitet”

Kryetari i Partisë Demokratike, Lulzim Basha, ka firmosur marrëveshjen me përfaqësuesit e operatorëve turistikë. Që në nisje të fjalës së tij lideri demokrat tha se në raport me premtimet e para 8 viteve, turizmi është ndër dështimet më të spikatura të kësaj qeverie.

Kreu i opozitës, këtë marrëveshje e ka quajtur një hap drejt ringritjes së turizmit, e cila në thelb përmban krijimin e një instrumenti të veçantë financiar në bashkëpunim me sektorin bankar për të mundësuar kredi me kushte lehtësuese për kompanitë e sektorit. Mbështetje financiare për kontributet dhe pagën minimale të punonjësve deri në kthimin e situatës në normalitet. Lehtësimin e kompanive që operojnë në sektorin e turizmit nga detyrimet fiskale deri në kthimin e situatës në normalitet. Aplikimin e pragut të TVSH-së në 6% për të gjitha hallkat e turizmit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.