Basha: Rama palaço politik! Në 6 muajt që vijnë ekonomia do të shkojë akoma dhe më keq
Kryedemokrati Lulzim Basha ka zgjedhur ti përgjigjet kryeministrit Edi Rama nga një fasoneri në zonën e Vorës. Pasi zhvilloj një vizitë, Basha për median akuzoj kryeministrin Rama se po bën sharlatanin dhe palaçon, me qëllim fshehjen e situatës së rënduar ekonomike që po kalon vendi. Biznesi ka nevojë për ndihmë dhe jo për batuta tha ai.
“Plani që kemi prezantuar këtë jave nuk është plani ynë elektoral, por është plani për 6 muajt e fundit të kesaj qeverie. Sepse për fat të keq këto 6 muaj ende drejton një kryeminister palaço që vetëm shan po nuk e fsheh dot të vërtetën. Në vend që të ndihmojë njerëzit, vazhdon të bëjë palaçon. Sa do të shajë, të vërtetën nuk e fsheh dot! Taksat të shkojnë për të ndihmuar biznesin dhe shqiptarët. Sot dhe ditë për ditë nuk do lodhem së përsërituri që nuk ka kohë për sharlatanizma por për të marrë përgjegjësi sepse vendi është në krizë dhe tryezat e shqiptarëve janë bosh”,
Një ditë më parë kryeministri Edi Rama prezantoj planin për rimëkëmbjen e ekonomisë, duke mos kursyer batutat ndaj kreut democrat Basha.
Arbër Hitaj / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.