Basha, takime me biznesin e taksive: “Çek 1 mijë euro për 6 muajt e ardhshëm për mbulimin e kostove”
Kryetari i Partisë Demokratike, Lulzim Basha zhvilloi takimin e radhës me bizneset e taksive në qytetin e Tiranës. Basha ka prezantuar lehtësirat që ofron programi i PD për këtë kategori si ofrimi i një Çeku prej 1000 eurosh për gjashtë muajt e ardhshëm për të mbuluar kostot e larta të liçencës, taksave lokale dhe shërbimeve teknike shtesë.
“Taksistët janë ndër sektorët më të goditur, pasi njerëzit e kanë tani të pamundur për të paguar taksi, për shkak të situatës së rënduar. Gjithashtu, edhe karburanti është shumë shtrenjtë dhe ky është zotimi im, që kur të vij në pushtet do të ul taksën dhe do ta bëj të njëjtë me atë të rajonit. Problem është edhe shtimi i korsive të biçikletave sjell rrezik për transportin, por ngushton edhe arteriet e trafikut. Numri i përdoruesve të këtyre korsive është shumë i ulët. Pra, ka një përfitim të ulët dhe kosto të madhe, qoftë për trafikun, qoftë për qytetarët në kryeqytet. Cmimi i karburantit, trafiku i shtuar, i ka shtyrë taksistët ata në kufijtë e mbijetesës, që mezi të nxjerrin të ardhura në muaj. Plani ynë parashikon një cek prej 1 mijë eurosh për gjashtë muajt e ardhshëm. Plani ynë me 5 pika bën të mundur që paratë që shkojnë në duart e disa oligarkëve të nxirren dhe të shkojnë aty ku kanë nevojë shqiptarët
Basha u angazhua se programi i Partisë Demokratike do të ulë taksat, do të luftojë monopolet dhe rikthejë konkurrencën në këtë sektor si në të gjithë sektorët e ekonomisë.
“Plani ynë i Rimëkëmbjes me 5 pika është një ndihmë shpëtimtare veçanërisht për biznesin e taksive në 6 muajt e ardhshëm:
1. Çeku prej 1000 eurosh për gjashtë muajt e ardhshëm mbulon kostot e larta të liçencës, taksave lokale dhe shërbimeve teknike shtesë, që taksistët kanë vite që s’i përballojnë dot;
2. Pagesa mujore shtesë prej 160 mijë lekësh pë rata që kanë humbur punën, shtesa prej 20 mijë lekësh për të gjithë pensionistët dhe nxitja e ripunësimit duke ndihmuar me 20 mijë lekë në muaj bizneset për çdo ripunësim;
E gjithë paketa do të ndihmojë konsumin me mbi 300 milion euro dhe do të zbusë ngërçin e konsumit në tërësi. Më shumë para në xhepat e sipërmarrësve dhe qytetarëve do të thotë konkurrencë më e madhe për shërbime më cilësore dhe ekonomi më të madhe”
Taksistët janë një nga kategoritë më të prekura të krisës nga pandemia me një xhiro e cila ka shënuar një rënie sipas kreut demokrat deri në 30%.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.