Bashkëpunimi Kinë-Shqipëri – Ngrihet qendra e Shkencës dhe Teknologjisë Bujqësore pranë UBT

Inaugurohet Qendra për Inovacionin, Shkencën dhe Teknologjinë Bujqësore Kino-Shqiptare. Në ceremoninë e zhvilluar pranë Universitetit Bujqësor të Tiranës, rektori Bahri Musabelliu  theksoi rëndësinë që ka  ngritja e këtij instituti në drejtim  të  kërkimeve të përbashkëta dhe  transferimin e teknologjisë  e cila do të mbështesë fermerin shqiptar.

Për ambasadoren e Kinës Jiang Yu, kjo do të shërbejë për ta çuar bashkëpunimin në fushën bujqësore në një nivel të ri, i cili do i sjellë të dy vendeve përfitime ekonomike.

Kjo qendër do të shërbejë jo vetëm për zbulimin e risive teknologjike por edhe për  ndarjen e eksperiencave në zhvillimin bujqësor si edhe nxitjen e dialogut dhe komunikimit mbi politikat bujqësore mes dy vendeve

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.