Bashkëpunimi ndërkufitar – Jaka: Qasje e re për zgjerim rajonal të bizneseve
Bizneset shqiptare, malazeze dhe italiane do ta kenë më të thjeshtë bashkëpunimin ndërkufitar dhe vendosjen e pikës së kontaktit mes tyre.
Projekti “Fuqizimi i Regjistrave të Sipërmarrjes” i bashkëfinancuar nga Bashkimi Evropian me fondet IPA II, synon një qasje të re për zhvillimin e biznesit rajonal dhe lehtësimin e bërjes biznes. Pjesë e projektit është Dhoma e Tregtisë dhe Industrisë Tiranë si dhe dhomat e Malit të Zi e Barit.
Qëllimi është krijimi e një platforme ndërkombëtare që do të lidhet me Qendrat e Regjistrimit të Bizneseve.
Projekti trajton gjithashtu sfidat kryesore të koordinimit mes Regjistrave Evropianë të Biznesit si një faktor kyç për një mjedis të përbashkët kontinental të biznesit, që sjell harmonizim administrativ, siguri legale, transparencë dhe konkurrueshmëri të biznesit. Kohëzgjatja e projektit është 2 vjet.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.