Bashkëpunimi Shqipëri-Itali, Cutillo: Lidhje të forta, mbështetje për integrimin në BE
Shqipëria dhe Italia kanë marrëdhënie të hershme ekonomike dhe bashkëpunimi me midis tyre dhe numri i emigrantëve shqiptarë që punojnë në shtetin fqinj regjistrohet në 500 mijë.
Përmes aktivitetit “Made Together” në kuadër të festës së Republikës Italiane, Agjencia Italiane e Bashkëpunimit për Zhvillim në vendin tonë ka prezantuar rezultatet e një bashkëpunimi të hershëm, më investime në projekte të ndryshme, ku në tre dekada të dy vendet kanë ndërtuar infrastruktura, spitale, shkolla, shtëpi, central elektrike dhe hidrocentrale, si dhe u vu theksi të ardhmen mes dy vendeve. Ambasadori i Italisë në vendin tonë Alberto Cutillo, theksoi se shteti fqinj e shikon Shqipërinë së shpejti pjesë të Bashkimit Evropian.
“Një histori që nis para ’91, një histori që nis para viteve 80 madje. Deti vetëm na ka bashkuar, nuk ka qenë barrierë për ne, historia e bashkëpunimit shkon përtej detit. Marrëdhëniet midis Shqipërisë dhe Italisë janë të forta. Një aspekt i rëndësishëm i bashkëjetesës sonë nis nga komuniteti. Kemi një emigracion gati gjysmë milion shqiptarësh dhe 200 mijë prej tyre janë qytetarë italianë. Sot është koha për të parë përpara, një të ardhme që e shesh Shqipërinë në Bashkimin Europian, shpresojmë së shpejti”.
Përpos investimeve në disa sektorë, në vendin tonë operon një numër i lartë biznesesh italiane, si dhe punonjës gjithashtu një numër i konsiderueshëm shtetasish italianë. Ndërsa Italia është partneri kryesor tregtar i vendit tonë.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.