Bashkimi Europian heq tarifat roaming – Çmimet do të vijnë në zbritje graduale
Parlamenti Europian ka rënë dakord për heqjen e tarifave roaming në të gjithë Europën.
Duke nisur nga 15 qershori i këtij viti tarifat roaming për konsumatorët e Bashkimit Europian do të përfundojnë, duke lejuar telefonatat dhe përdorimin e internetit me të njëjtën kosto si në shtëpi.
Çmimet e reja janë shumë më të ulëta dhe përcaktojnë se sa mund ta tarifojnë operatorët telefonikë njëri-tjetrin për përdorimin e telefonatave roaming.
Njerëzit nëpër vendet e BE-së kanë kohë që presin të hiqet tarifimi roaming dhe është realizuarajo që është premtuar.
Organizatat e konsumatorëve të shtrira në të gjithë Europën e shohim këtë si një fitore të madhe për konsumatorin europian.
Çmimet e përcaktuara janë mjaftueshëm për të mbuluar kostot e operatorëve, si dhe janë mjaftueshëm të ulëta për të mbajtur një konkurrencë të drejtë në tregun e telekomunikacionit.
Parlamenti dhe Këshilli ranë dakord për tarifat e mëposhtme:
- €0.032 për telefonatë
- Një tarifë në zbritje të vazhdueshme për internetin: nga €7.7 për gigabyte në 2017, deri në €2.5 për gigabyte në 2022
- €0.01 për mesazhe SMS
Tarifat më të ulëta për internetin do të mundësojë konsumatorëve europianë të aksesojnë më tepër materiale audio-vizuale gjatë udhëtimit nga një vend në tjetrin. Kështu hapet rrugë edhe për ngritjen e tregjeve të vogla dhe virtuale të operatorëve të telekomunikacionit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.