Bashkitë që “mbushën” arkën – Raporti/ Cilat performuan negativisht në mbledhjen e të ardhurave
Pavarësisht se pushteti vendor ka rritur të ardhurat totale nga taksat e tarifat vendore me 19 për qind krahasuar me një vit më parë, në këtë shifër nuk kanë kontribuuar të gjitha bashkitë, pasi ka nga ato që rezultojnë me perfomancë negative.
Raporti për financat publike vendore 2018, hedh dritë se cilat nga 61 bashkitë në vend ka performuar pozitivisht në mbledhjen e të ardhurave dhe cilat nuk kanë punuar keq. SCAN ka marrë në analizë bashkitë e mëdha të cilat kanë dhe më shumë kapacitete dhe burime njerëzore në mbledhjen e të ardhurave. Konkretisht, një e treta e bashkive ka mbledhur më pak para se në vitin 2017, ku gjysma prej tyre ka pësuar një rënie të të ardhurave nga 15-60 për qind.
Të tilla janë Skrapari, Berati, Durrësi, Kukësi, etj . Ndërsa dy të tretat e bashkive në vend kanë mbledhur më shumë të ardhura se në vitin paraardhës, ku për shumicën, trendi ka variuar 10-79 për qind në rritje. Të tilla janë bashkitë si, Kamëz, Tiranë, Vlorë, Shkodër, Fier, Korçë, Elbasan.
Tre elementët që ndikohet perfomanca e pushtetit vendor në mbledhjen e të ardhurave janë : Infrastruktura, resurset dhe procedurat që ka ose ndërton bashkia; kapacitetet teknike për administrimin fiskal dhe vullneti për të mbledhur taksat dhe tarifat. Në total bashkitë mblodhën 49.6 miliardë lekë vitin që lamë pas.
Bashkitë që perfomuan negativisht
Skrapari – 27 %
Berati -10 %
Durrësi -3 %
Kukësi -3 %
Bashkitë që performuan pozitivisht
Kamëz + 38%
Tiranë +29%
Vlorë + 15%
Shkodër + 15 %
Fier +13%
Korçë +11%
Elbasan +8%
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.