Bashkitë të ulin “oreksin” – Denaj: Kritere të reja. Veliaj: Kemi pasur në fokus fëmijët
Bashkitë duhet të kenë kujdes me shpenzimet publike, duke “kursyer” më shumë nga ato operative dhe duke krijuar ambiente më miqësore për fëmijët dhe të gjithë komunitetin. Apeli është bërë nga Ministrja e Financave dhe Ekonomisë, Anila Denaj, e cila ngre si shqetësim faktin që 42 për qind e buxhetit të pushtetit vendor shkon për paga dhe sigurime të personelit.
Në konferencën mbi qytetet miqësore më fëmijët, kreu i Bashkisë së Tiranës, në ditën e fundit në këtë pozicion, shfrytëzoi rastin për të bërë një bilanc se si ka ndryshuar kryeqyteti në 4 vite. Sipas tij çdo investim ka pasur në fokus të vegjlit.
Kryetari i Bashkisë përmendi në detaj, investimet në kopshte, çerdhe, shkolla, kënde lojërash si dhe në qendra ku fëmijët të kenë mundësi të zhvillojnë aftësitë e tyre intelektuale.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.